хувийг төрийн эрх бүхий байгууллага эзэмшиж байхаар тогтоожээ. Хувьчлагдаагүй үлдсэн 51 хувь буюу төрийн мэдлийн 378867 /гурван зуун далан найман мянга найман зуун жаран долоо/ ширхэг хувьцааг Төрийн өмчийн хорооны 2001 оны 11 дүгээр сарын 29-ны өдрийн 663 тоот тогтоолоор Нийтийн дуудлага худалдааны ялагч Монгол-Гонконгийн хамтарсан Туул Интернешнл ХХК дуудлага худалдааны үнэ 4,501,000,000 /дөрвөн тэрбум таван зуун нэг сая/ төгрөгийг хугацаанд нь төлсөн тул АПУ ХК-д өмчлөх эрхийг шилжүүлсэнээр тус компани 100 хувь хувьчлагдсан болно.   АПУ ХК нь 2 гишүүнтэй 74,287.7 мянган төгрөгний дүрмийн сантайгаар архи, пиво, ундаа, ус, жүүс үйлдвэрлэх, гадаад худалдаа, хүнс барааны бөөний болон жижиглэнгийн худалдаа эрхлэх, зоогийн газар баарны үйл ажиллагаа явуулахаар 2005 оны 10 дугаар сарын 12-нд 2702673 регистрийн дугаар бүхий 9010001005 тоот Улсын бүртгэлийн гэрчилгээг шинэчлэн авсан байна. Хожим нь хууль эрх зүйн орчин шинэчлэгдэн сайжирсанаар нээлттэй хувьцаат компанийн хэлбэрээр Улсын бүртгэлд бүртгэгдсэн билээ.   Тус компани нь 4000 гаран хувьцаа эзэмшигчидтэй 74,287,700 ширхэг зарласан энгийн хувьцаатай бөгөөд биржид хувьцаа нь чөлөөтэй арилжигддаг ТОР-20 компанийн нэг юм. Сүүлд Хөрөнгийн биржийн 2014 оны Шилдэг хувьцаат компаниар өргөмжилсөн билээ. Хүнс хөдөө аж ахуйн яамны Төрийн нарийн бичгийн даргын 2002 оны 10 дугаар сарын 11-ний өдрийн 152 тоот тушаалаар “Архи, дарс, пиво үйлдвэрлэх” тусгай зөвшөөрөл авч одоог хүртэл үйл ажиллагаагаа явуулж байна.   Ажиллагсадын тоо: Хөдөлмөрийн гэрээтэй 1006 ажилтан ажиллагсадтай Байгуулагдсан цагаасаа эхлэн Монгол Улсын хүнсний үйлдвэрлэлийн түүхийг анх бичилцэж, өнгөрсөн 90 жилийн хугацаанд явуулсан бодлого, үйл ажиллагаа, бүтээн байгуулалт болон олсон ололт, гаргасан амжилтаараа ямагт тэргүүлж ирсэн. Манай амжилтын гол хөшүүрэг нь хүний нөөцийн бодлого, дэвшилтэт техник технологи, бүтээгдэхүүний чанар, гадаад, дотоодын олон улсад хүлээн зөвшөөрөгдсөн байгууллагуудтай түншилж, тэдэнтэй нээлттэй хамтран ажилладагт оршдог. Ингэснээр бид дэлхий дахины даяаршилтай хөл нийлүүлэн алхаж чаддаг.   Монголчууд бидэнд өвөг дээдсээс уламжлан ирсэн үзэсгэлэнт сайхан байгаль, өв их соёл маань манай компанийн үйлдвэрлэлийн үндэс суурь, бүтээгдэхүүний охь дээжис болдог. Манай АПУ ХК нь нийгмийн өмнө хүлээсэн үүрэг, хариуцлагаа чандлан биелүүлж, байгаль орчинд ээлтэй үйлдвэрлэл эрхэлж, эдийн засгийн тогтвортой хөгжлийг цогцлоохын төлөө ажиллаж байна.   Төгс – Үүрэг хариуцлага Төгөлдөр – Ёс зүй, орон зай Тунгалаг – Соёл, бүтээгдэхүүний нэгдэл Энэ бол АПУ ХК-ийн нэр төр, эрхэм чанар юм.