Манай үйлдвэр 1960-аад оны үеийн монголын ард түмний түүхэн их бүтээн байгуулалтын нэгээхэн хэсэг билээ. Өнөөдөр Дархан хотын Силикат компани монгол улсын барилгын материал үйлдвэрлэлийн стандартад дэвшилт гарган байгаль орчин, хүний эрүүл мэндэд хоргүй, хүн амыг аюулгүй тайван, тохь тухтай ажиллаж амьдрах барилга орон сууцаар хангах бүтээн байгуулалтад өөрийн хувь нэмрээ оруулж, чанартай шохой болон хөнгөн бетон блок үйлдвэрлэж ирлээ.
       Тус компани нь анх 1966 онд Польш улсын техник эдийн засгийн тусламжтайгаар байгуулагдан жилдээ 22 000тн шохой, 29 сая ширхэг силикат цагаан тоосго үйлдвэрлэж байсан.
1992 оныг хүртэл Силикат компани 900 сая гаруй ширхэг тоосго, 450 000тн шохой үйлдвэрлэж, дотоодын ханын материалын 25 хувийг ханган, улмаар Зөвлөлт улсад экспорлодог байсан.
2006 онд компанийн удирдлага олон жил зогссон үйлдвэрлэлийг сэргээж, техник технологийн шинэчлэлт хийснээр өдөртөө 180-200м3 хөнгөн блок, 80-100тн шохой үйлдвэрлэж, өсөн нэмэгдэж буй зах зээлийн хэрэгцээг хангаж ирлээ.