БНХАУ-ЫН ХЭРЭГЛЭЭНИЙ ҮНИЙН ИНДЕКС 0.9 ХУВИАР ӨСӨВ
Нийтлэгдсэн : 2017.04.12 |
|
БНХАУ-ын хэрэглээний үнийн индекс гуравдугаар сард жилийн дүнгээр 0.9 хувиар өсжээ. Энэ нь шинжээчдийн таамгаас 0.1 хувиар дутсан дүн болсон байна. Үзүүлэлтийг нарийвчлан харвал хүнсний үнэ жилийн өмнөхөөс 4.4 хувиар буурсан бол хүнсний бус бүтээгдэхүүний үнэ 2.3 хувиар нэмэгджээ. Харин өнгөрсөн сарын байдлаар БНХАУ-ын үйлдвэрлэлийн үнийн индекс жилийн өмнөөс 7.6 хувиар өссөн байна. Энэ нь үйлдвэрлэлийн үнийн өсөлтийн хурд хоёрдугаар сараас 0.2 хувиар буурсан үзүүлэлт болж байгаа юм. Ийнхүү Азийн хамгийн том эдийн засгийн үйлдвэрлэлийн үнийн өсөлт саарсан нь олон улсын хэмжээнд эрэлт буурч байгааг илтгэж байна гэж шинжээчид дүгнэж байна. Үүнээс гадна таваарын зах зээл дэх ханшийн өсөлтөөс шалтгаалсан БНХАУ-ын үйлдвэрлэгчдийн үнийн өсөлт зогсонги байдалд орж болзошгүй байгаа ажээ.
