Эх сурвалж : www.mongolmilk.mn Нийтлэгдсэн : 2014.11.04

Монгол Улсын Ерөнхийлөгчийн ивээл дор ерөнхий боловсролын сургууль, байгууллагуудын дунд найм дахь жилдээ зохион байгуулагдсан “Дуулиан-2020” заалны хөлбөмбөгийн тэмцээн амжилттай зохион байгуулагдаж өндөрлөсөн билээ.

Найман жилийн өмнөөс гараагаа эхэлсэн “Дуулиан 2020” тэмцээний шагналын сан, оролцогчдын хамрах хүрээ жил ирэх тусам өсөн нэмэгдэж байгаа бөгөөд энэ удаагийн тэмцээнд оролцсон хүүхдүүдээс шилдгийн шилдэг 12 хүүхдийг шалгаруулан хөлбөмбөгийн эх орон Бразил улс руу явах эрхээр шагнасан юм. Өсвөрийн тамирчид Бразил улсад зохион байгуулагдах “World Vision Cup” 14 хоногийн олон улсын тэмцээн болон өсвөрийн хөлбөмбөгчдийн уулзалтад оролцоно. Тэд хилийн дээс алхахийн өмнө тэмцээний ивээн тэтгэгчээр ажилласан байгууллагуудаараа зочилж үйл ажиллагаатай нь танилцлаа. “Сүү” ХК-ийн тухайд “Дуулиан 2020” тэмцээнийг анх зохион байгуулагдах цагаас нь эхлэн дэмжиж, ивээн тэтгэж ирсэн байгууллага юм. Шалгарсан 12 хүүхэд “Сүү” ХК-иар зочилсноор тэдний өдөр тутамдаа хэрэглэдэг сүү, сүүн бүтээгдэхүүнийг хэрхэн боловсруулан үйлдвэрлэдгийг сонирхсон юм.