Эх сурвалж : ardchilal.mn Нийтлэгдсэн : 2017.01.06

Зургаан тэрбум 500 сая тонн коксжсон нүүрсний нөөцтэй Таван толгойн бүлэг орд цаг ямагт улс төрийн сэдэв байсаар ирэв. Х.Баттулга тэргүүтэй эх орончид хятадуудад өгөхгүй гэж тэмцдэг. Тэгсэн хэрнээ Япон, Солонгос, Хятадтай төмөр зам тавих гэрээ хийгээд явдаг байх юм. Таван толгойн бүлэг ордоос урагшаа төмөр зам тавиулахыг эрс эсэргүүцэгчид бол оросууд. Оросууд Х.Баттулгаар  850 мянган ам.долларын гэрээ хэвлэл мэдээлэл рүү цутгаж байлаа.

Энэ утгаар нь аваад үзэх юм бол Х.Баттулга төмөр замыг тавиулахгүй гэхдээ олон сая ам.доллар төсвөөс хулгайлаад  туслахуудаа гадаад руу оргуулсан ч юм шиг. Таван толгойн бүлэг орд өнөөгийн байдлаар БНХАУ-ын эрхшээлд байна. Юу гэсэн үг вэ гэвэл  “Чалько” групптэй хийсэн гэрээгээ дуусгаагүй цагт өөр улсад нүүрс өгөхгүй гэсэн хатуу болзолтой. 250 сая ам.долларын гэрээ олон жилийн турш үргэлжилж байгаа билээ.

Хятадууд энэ гэрээгээ дуусгаад  Таван толгойг бүхлээр нь залгих бодлого баримталж байгаа нь тодорхой болжээ. Монгол Улсын Засгийн газар БНХАУ-аас зээл авах, найрсаг харьцагаа бэхжүүлэх, Далай ламыг урьсан гэм буруугаа цайруулахын тулд Таван толгойгоо хадаг дээр тавиад сөгдөх нь ойлгомжтой. Орос , Хятадыг давуулаад нүүрсээ шидэж чадахгүйгээс хойш ойлголцолоос өөр арга байхгүй. Хятадуудтай харилцан  ашигтай гэрээ хэлцэл хийх бололцоо монголчуудад байгаа болов уу.