Эх сурвалж : Bloomberg TV Нийтлэгдсэн : 2017.01.04

Ам.долларын албан ханш төгрөгийн эсрэг түүхэн дээд түвшинээ шинэчлэн тогтоолоо

Лхагва гарагийн зарласан ханшаар ам.доллар 2491.48 төгрөг дээр зарлагдсан нь оны эхнээс тун бага буюу 0.1 орчим хувиар, нэг улирлын өмнөхөөс 8.9 хувиар өссөн үзүүлэлт болж байна.

Энэ хугацаанд юанийн ханш эргэн бага зэрэг суларлаа. Нэрлэсэн ханш 358.08 төгрөг болсон нь оны эхнээс 0.03 хувиар, өнгөрсөн улирлаас таван хувиар өссөн үзүүлэлт юм.

Мөн түүнчлэн энэ оны гадаад валютын хамгийн эхний дуудлага худалдаа мягмар гарагт хийгдлээ. Спот арилжаагаар банкууд 39 сая ам.доллар, 82.2 сая юань худалдан авах саналыг Монголбанкинд тавьснаас төв банк 19 сая ам.доллар, есөн сая юанийг нийлүүлжээ. Түүнчлэн банкууд нэг сая ам.доллар худалдан авах төгрөгийн своп, 69.8 сая ам.доллар худалдан авах ам.долларын своп хэлцэл байгуулах санал тавьсан ч Монголбанк саналыг биелүүлээгүй гэж мэдээллээ.