Эх сурвалж : Bloomberg TV Нийтлэгдсэн : 2016.12.12

Францын "Peugeot", "Citroen" зэрэг автомашин үйлдвэрлэгч "PSA" групп дараагийн үеийн автомашинууддаа зориулж технологийн старт-ап компаниуд дахь хөрөнгө оруулалтаа нэмэгдүүлнэ гэж мэдэгдлээ. Үүнд унаа хуваалцах аппликейшнээс эхлээд замын ачаалал тооцоолох програмууд үүнд багтаж байна. "PSA"-ийн томоохон өрсөлдөгч компаниуд болон "Uber" зэрэг гарааны бизнесүүд бүтээгдэхүүн, үйлчилгээндээ технологийн дэвшлийг идэвхтэй нэвтрүүлж эхэлсэн нь салбарыг улам өрсөлдөөнтэй болгож байгаа юм. Тиймээс ч Францын автомашин үйлдвэрлэгч хоёр дахь том компанийн үүсгэсэн 100 сая еврогийн хөрөнгийн сантай "Business Lab" хөрөнгө оруулалтын сангаараа дамжуулан хэд, хэдэн старт-апад хөрөнгө оруулаад байгаа юм. Эхний ээлжинд интернэтээр аудио контент түгээх үйлчилгээ үзүүлдэг "Deezer" компанид хөрөнгө оруулсан. Харин ирээдүйд унаа хуваалцах үйлчилгээ болон цахилгаан автомашинуудад шаардлагатай технологи хөгжүүлэхэд старт-ап компаниудтай хамтарч ажиллахаар төлөвлөж байгаагаа мэдээллээ.