Эх сурвалж : Bloomberg TV Нийтлэгдсэн : 2016.12.10

БНХАУ-ын хэрэглээний үнийн индекс 11 дүгээр сард 2.2 хувиар өснө гэсэн шинжээчдийн таамгийг давж жилийн дүнгээр 2.3 хувиар өсчээ. Тус үзүүлэлт өнгөрсөн 10 дугаар сард 2.1 хувиар өсч байсан юм. Мөн 11 дүгээр сард тус улсын үйлдвэрлэлийн үнийн индекс оны өмнөх мөн үеэс 3.3 хувиар өссөн нь 2011 оноос хойших хамгийн өндөр үзүүлэлт болжээ. Өөрөөр хэлбэл энэ үзүүлэлт 2011 оноос хойш анх удаа хэрэглээний үнийн индексийг өсөлтийн хурдаараа давсан аж. Энэхүү мэдээлэл нь үйлдвэрлэгч компаниудад эерэг нөлөөтэй гэж шинжээчид онцолж байгаа юм. Учир нь үйлдвэрлэлийн үнийн индекс нэмэгдсэнээр компаниудад бүтээгдэхүүний үнээ өсгөх боломж олдож байгаа юм. Цаашлаад урт хугацаандаа үйлдвэрлэлийн үнэ өссөөр байвал ашигт байдлаа хадгалах, өр төлбөрөө бууруулах боломж нэмэгдэнэ гэж "Boci International"-ийн ахлах эдийн засагч мэдэгджээ.