Эх сурвалж : www.news.mn Нийтлэгдсэн : 2016.12.09

Уул уурхай, хүнд үйлдвэрийн сайд Ц.Дашдорж болон яамны удирдлагууд яг одоо БНХАУ-ын "Шиньхуа" группийн төлөөлөлтэй уулзаж байна.

Тавантолгойн ордыг эдийн засгийн эргэлтэд оруулах Засгийн газрын шийдвэрийн хүрээнд байгуулагдсан Ажлын хэсгийнхэн буюу Уул уурхай, хүнд үйлдвэрийн сайд Ц.Дашдорж, Зам тээврийн сайд Д.Ганбат, Байгаль орчин, аялал жуулчлалын сайд Д.Оюунхорол нар уулзалтад Монголын талыг төлөөлж байгаа аж.

Тавантолгойн ордын олборлолт, борлуулалт, төмөр зам, цахилгаан станц, бүс нутгийн бүтээн байгуулалтын асуудлыг шийдэх талаар талууд ярилцаж байгаа юм.

Өмнөх Засгийн газрын үед Тавантолгойн нүүрсний ордод хөрөнгө оруулах сонгон шалгаруулалтад "Шиньхуа" групп, "Энержи ресурс" компани, Японы "Сумитомо" корпорацитай хамтран консорциум бүрдүүлэн өрсөлдөж, ялалт байгуулсан. Гэвч УИХ-ын гишүүн Л.Эрдэнэчимэгийн ахалж асанУИХ-аас томилогдсон Ажлын хэсэг тус групптэй байгуулах гэрээг хойшлуулсан байдаг. 

2016 оны сонгуулийн дараа бүрдсэн шинэ Засгийн газарт "Шиньхуа" групп Тавантолгойн ордод хөрөнгө оруулах сонирхлоо дахин илэрхийлсэн бөгөөд нөхцөлд байдлаас харахад өнөөдрийн уулзалтаас Тавантолгойн хэлэлцээ дахин шинээр эхэлж байна.