Эх сурвалж : www.gogo.mn Нийтлэгдсэн : 2016.11.25

Хөрөнгийн зах зээлийн шинжээч Д.Ангартай өмч хувьчлалыг хэрхэн олон нийтэд хүртээмжтэй, ил тод явуулах, үүний давуу талын талаар ярилцлаа.

• Төрийн өмч хувьчлал дандаа эзэнтэй, урьдаас тооцоолчихсон байдаг. 
• Өмч хувьчлалыг зөв зохион байгуулбал иргэд цалингаас гадуур орлоготой болно.
• Монгол төрд өмч хувьчлалын бодлого байхгүй.
• Төрийн өмчит аль компанийг ямар үнээр хувьчлахаа дор хаяж 3 сарын өмнө нийтэд зарлах хэрэгтэй.
• Өнөөг хүргэсэн дүр эсгэсэн хувьчлалыг дахин давтаж болохгүй.     
• Бид Хөрөнгийн биржийн хувьчлалд оролцоно.
• “Монгол шуудан”-гийн 34 хувийн хувьчлалыг Шинэ жилээр, “Багануур”-ынхыг наадмын өмнө хийсэн шүү дээ.
• “Хөрөнгийн бирж”-ийн хувьчлалд олон нийт оролцох гэтэл тодорхойгүй шалтгаанаар хойшлуулчихсан.
• Зарим иргэн эхэндээ 100 мянган төгрөгөөр хувьчлалд орж болдог юм уу гээд итгээгүй.   
• Аль болох олон хүн бага мөнгөөр оролцвол хувьчлал хүртээмжтэй болно.
• Өмч хувьчлалыг Хөрөнгийн биржээр дамжуулбал хүн бүр оролцох боломжтой.
• “Монгол шуудан”-гийн 34 хувийг хувьчилсан тохиолдолд хамгийн сайн жишээ мөн ч ердөө 30 иргэн л оролцсон.
• Олон нийтээс хөрөнгө татан төвлөрүүлж, сан үүсгэж болох юм гэсэн санааг би Ч.Ганхуягаас авсан.   
• Кока колагийн хувьцаа авсан хүн Пэпси уудаггүй тул аль болох олон хүнд хувьцаагаа зар.   

     УИХ-аас  өнгөрсөн онд баталсан, Төрийн өмчийг 2015-2016 онд хувьчлах, өөрчлөн байгуулах үндсэн чиглэл гэсэн гарчигтай 70 дугаар тогтоолд дараах ААН-үүд багтжээ.

“Дулааны цахилгаан станц-4” нийт хувьцаанд төрийн эзэмшил 70 хувь байх хэмжээнд нэмэлт хувьцаа гарган, Монголын хөрөнгийн биржээр арилжих,

“Дулааны цахилгаан станц-3” нийт хувьцаанд төрийн эзэмшил 70 хувь байх хэмжээнд нэмэлт хувьцаа гарган, Монголын хөрөнгийн биржээр арилжих,

“Дулааны цахилгаан станц-2” нийт хувьцаанд төрийн эзэмшил 70 хувь байх хэмжээнд нэмэлт хувьцаа гарган, Монголын хөрөнгийн биржээр арилжих,

“Дарханы дулааны цахилгаан станц” нийт хувьцаанд төрийн эзэмшил 70 хувь байх хэмжээнд нэмэлт хувьцаа гарган, Монголын хөрөнгийн биржээр арилжих,

“Эрдэнэтийн дулааны цахилгаан станц” нийт хувьцаанд төрийн эзэмшил 70 хувь байх хэмжээнд нэмэлт хувьцаа гарган, Монголын хөрөнгийн биржээр арилжих,

“Улаанбаатар цахилгаан түгээх сүлжээ” төрийн өмчит хувьцаат компанийн цахилгаан эрчим хүчээр хангах тусгай зөвшөөрөл эзэмшигчийг түгээх тусгай зөвшөөрөл эзэмшигчээс салгаж, бие даасан хуулийн этгээд болгон хувьчлах,

“Диспетчерийн үндэсний төв” хязгаарлагдмал хариуцлагатай компанийг хангах тусгай зөвшөөрөл эзэмшигчээс ирүүлсэн захиалгыг үндэслэн, диспетчерийн зохицуулалт хийх арилжааны оператор компани болгон өөрчлөх, 

“Шивээ-Овоо” хувьцаат компанийн төрийн эзэмшлийн хувьцаа 51 хувь байх хэмжээнд нэмэлт хувьцаа гарган, Монголын хөрөнгийн биржээр арилжих,

“Багануур” ХК-ийн нийт хувьцаанд төрийн эзэмшил 51 хувьд байх хэмжээнд нэмэлт хувьцаа гарган, Монголын хөрөнгийн биржээр арилжих,  

“Эрдэнэс Таван Толгой” хувьцаат компанийн иргэд, аж ахуйн нэгжид эзэмшүүлсэн хувьцааны тоо хэмжээ, бүртгэлийг холбогдох хууль болон Улсын Их Хурал, Засгийн газрын шийдвэрүүдэд нийцүүлэн цэгцэлж, хувьцааг нийтэд санал болгон арилжаалах бэлтгэлийг хангах,

“Оргил рашаан сувилал” ТӨХК-д сувиллын лавлагаа, судалгааны үйл ажиллагааг нэмж хариуцуулан, үндсэн үйл ажиллагааны чиглэлийг өөрчлөхгүй байх нөхцөлтэйгөөр нээлттэй дуудлага худалдаагаар худалдах,

“Кино урлагийн дээд сургууль” ХХК-ийн төрийн эзэмшлийн нийт хувьцааг бусад хувьцаа эзэмшигчдэд санал болгож, татгалзсан тохиолдолд нээлттэй уралдаант шалгаруулалтын аргаар хувьчлах,

“Хөдөө аж ахуйн бирж” ХХК-ийн төрийн эзэмшлийн хувьцаа 34 хувь байх хэмжээнд, түүний технологийн шинэчлэл хийхэд шаардлагатай хөрөнгийн санхүүжилтэд хамтарч ажиллах сонирхолтой хөрөнгө оруулагч этгээдэд оруулсан хөрөнгөд нь тохируулан нэмэлт хувьцаа гарган эзэмшүүлэн хувьчлах 

“Авто импекс” хувьцаат компанийн төрийн эзэмшлийн хувьцааны доод үнэ дээр Сангийн яаманд төлөх төлбөрийг нэмж, нээлттэй дуудлагын худалдаагаар худалдах.

“Монгол шуудан” ТӨХК-ийн нийт хувьцааны 34 хувьтай тэнцэх хэмжээнд нэмэлт хувьцаа гарган, Монголын хөрөнгийн биржээр арилжих,

“Монголын цахилгаан холбоо” хувьцаат компанийн төрийн эзэмшлийн хувьцааг БНСУ-ын “Корей Телеком” компанид худалдан авахыг санал болгож, татгалзсан тохиолдолд хөрөнгийн зах зээлд нийтэд худалдах,

“Хөтөлийн цемент шохой” ТӨХК-ийн төрийн эзэмшлийн хувьцааг өр төлбөрийг төлөх нөхцөлтэйгээр хөрөнгө оруулагч талд санал болгон хувьчлах,

“Төрийн банк” ХХК-ийн төрийн эзэмшлийн нийт хувьцааг арилжих,

“Монголын хөрөнгийн бирж” ТӨХК- ийн төрийн эзэмшлийн нийт хувьцааг хувьчлах.