Эх сурвалж : www.news.mn Нийтлэгдсэн : 2016.11.18

Турк улс засаглалын тогтолцоогоо өөрчлөхөөр зэхэж байгаа талаар тус улсын Засгийн газрын удирдах албан тушаалтан өчигдөр /2016.11.17/ төрийн мэдээллийн агентлаг “Анадолу”-д мэдээлсэн байна. Турк нь парламентын эрх мэдэл давамгайлсан төлөөллийн ардчилсан дэглэм, нэгдмэл байгууламж бүхий бүгд найрамдах засагтай улс юм.

Харин одоо Ерөнхийлөгчийн засаглалтай болох арга замыг эрэлхийлж байгаа бөгөөд ингэснээр ерөнхий сайдын албан тушаалыг дэд ерөнхийлөгчийн албан тушаалаар солино гэсэн үг юм. Байгаль орчны асуудал эрхэлсэн сайд Виесэл Эроглугын хэлснээр дээрх шинэ тогтолцоогоор нэг магадгүй хоёр дэд ерөнхийлөгчтэй байх аж. Мөн түүнчлэн Туркийн хууль сахиулах болон гүйцэтгэх байгууллагууд тусдаа хэвээр үлдэх аж. Одоогийн байдлаар Засгийн газар ирэх хавар ерөнхийлөгчийн засаглалтай болох талаар олон нийтийн санал асуулга явуулахыг дэмжих саналыг гаргасан Үндэсний Намынхантай энэ талаар нарийн хэлэлцэхээр болсон байна.