Эх сурвалж : www.news.mn Нийтлэгдсэн : 2016.11.15

Сүүлийн гурван жилийн хугацаанд гадаадаас Монгол Улс руу орж ирэх хөрөнгө оруулалтын урсгал саарсан гэж хэлж болно. Үүнд хэд хэдэн шалтгаан байгаа ч энэ байдлыг бүр унтраахгүйн тулд Мэргэжлийн Засгийн газрын зүгээс гадаадын хөрөнгө оруулагчдын итгэлийг сэргээж, хүндэрсэн эдийн засгийг сэргээхийн тулд хөрөнгө оруулагчдын эрх ашгийг хамгаалах, хамтарч ажиллах талаар яригдаад багагүй хугацаа өнгөрчээ. Тухайлбал, өнгөрсөн наймдугаар сард Засгийн газрын Хэрэг эрхлэх газрын бүтцэд хөрөнгө оруулагчдын эрх ашгийг хамгаалах зөвлөлийг шинээр байгуулахаар болсон билээ. Засгийн газрын хуралдаанаар ЗГХЭГ-ын бүтэц орон тооны хязгаарыг шинэчлэн баталсан юм. Тодруулбал газар, хэлтэс алба бүхий 12 бүтэцтэй ажиллахаар болсон бөгөөд энэ дагуу шинээр байгуулагдах хөрөнгө оруулагчдын эрх ашгийг хамгаалах зөвлөлийн ажил нь тэдний эрх ашгийг хамгаалах, хуулийн хүрээнд хамтарч ажиллах таатай нөхцөлийг бүрдүүлэхэд чиглэх юм. Үүнээс гадна ямарваа нэгэн маргаан гарвал цаг тухайд нь хууль тогтоомжийн дагуу дотооддоо шуурхай шийдэхэд анхаарч ажиллахаар болсон аж. Тэгвэл дээрх зөвлөлийн ажил удахгүй хэрэгжиж эхлэн