Ангижруулсан ган төмөр үйлдвэрлэж эхэллээ
| Эх сурвалж : www.news.barilga.mn
Нийтлэгдсэн : 2014.11.04 |
|
Эрдэнэт хотод Монголын анхны ангижруулсан ган төмөр үйлдвэрлэж эхэллээ. Бид “Хөх ган” ХХК-ийн зарим удирдлагатай уулзаж энэ талаар тодруулсан юм.
“Хөх ган” ХХК-ийн Төмрийн ангижруулах үйлдвэрийн дарга И.Мөнхбатаас тус үйлдвэрийн ирээдүйн талаар сонирхлоо. Тэрбээр:
Манай үйлдвэрийн нэг зуух жилд 15 мянган тонн төмрийн ангижруулсан бүтээгдэхүүн үйлдвэрлэх хүчин чадалтай. Бид эхний нэг зуухыг ашиглалтанд оруулаад ажиллаж байна. Бүтээгдэхүүнийнхээ дээжийг Дарханы Төмөрлөгийн үйлдвэрт нийлүүлэх гэрээ хийсэн. Цаашид бүтээгдэхүүнээ экспортод гаргах бодлого баримталж байгаа. Үйлдвэрийн хоёр дахь зуух ашиглалтанд орохоор жилд 30 мянган тонн ангижруулсан ган төмөр үйлдвэрлэнэ гэсэн үг. Өөрөөр хэлбэл хоёр дахь зуух энэ жил ашиглалтанд орно. Үйлдвэрийн анхны туршилтын хугацаанд хөдөлмөрийн бүтээмжийг 50 хувь нэмэгдүүлээд байна.
