Эх сурвалж : www.medee.mn Нийтлэгдсэн : 2016.11.04

Хөгжлийн банкны гүйцэтгэх  захирал Б.Батбаяр олон улсын зах зээл дээрээс 7-9 хувийн хүүтэй зээл босгох боломжтой болсон гэж онцолжээ.  Засгийн газар болон Хөгжлийн банкны төлөөлөгчид сүүлийн нэг сарын хугацаанд гадны хөрөнгө оруулагчидтай  уулзалт хэлэлцээрүүд хийж, улс орныхоо нөхцөл байдлыг зөвөөр ойлгуулсан тул ийм үр дүнд хүрсэн гэх мэдээллийг өгч байгаа юм.

Манай улсын хувьд  өмнө нь Чингис бондыг 4.1-5-1, Самурай бондыг 1.52 хувийн хүүтэйгээр босгосон. Харин сүүлийн жилүүдэд манай улсын эдийн засаг саарч буйтай холбогдуулан засгийн газрын зээлжиж зэрэглэл –В рүү ороод байгаа юм. Зээлжих зэрэглэл буурсантай холбоотойгоор гаднаас  зээлийн эх үүсвэр татахад хүү нь 10 гаруй хувьтай гарахаар байгааг  шинэ загийн газраас мэдээлж байсан юм.

Эрх баригч намын хувьд гаднаас зээл авах, бонд босгох босгох асуудалд анхааралтай ханддаг. Гэвч эдийн засгийн хүндрэлийг даван туулахын тулд хэд хэдэн орноос хөгжлийн зээл авах сонирхолтой буйгаа илэрхийлсэн гэх мэдээлэл явж буй. Одоогоор урд хөршөөс хорин жлийн хугацаа бүхий  хоёр хувийн хүүтэй зээл авахаар албан ёсоор хүсэлтээ тавиад байгаа юм. Түүнчлэн ОУВС-гийн “Стэнд бай” хөтөлбөрт хамрагдаж, төсвөө сахилга батжуулах алхамуудыг хийсний дараа Япон улс зээл өгч болох тухай дуугарсан гэх мэдээлэл ч бий.