Эх сурвалж : www.gogo.mn Нийтлэгдсэн : 2016.11.02

НИТХ-ын аравдугаар сарын 28-ны өдрийн хуралдаанаар нийслэлийн 2016 оны төсвийн тодотголыг хэлэлцэж баталсан.

Ингэхдээ 120 тэрбум төгрөгөөр бууруулж баталсан юм. Удахгүй УИХ-ын чуулганаар  ирэх оны төсөв, үндсэн чиглэл хэлэлцэнэ. Үүнтэй холбогдуулан  Нийслэлийн Засаг дарга бөгөөд Улаанбаатар хотын захирагч С.Батболд нийслэлээс сонгогдсон гишүүдтэй уулзаж, төсвийн байдлыг танилцуулсан байна.

Улаанбаатар хот 2012 онд 348.2 тэрбум төгрөгийн төсвийн орлого бүрдүүлж байсан бол 2016 онд 69.6 тэрбумын орлого төвлөрүүлэхээр төлөвлөсөн. Төсвийн орлого жил ирэх бүр өсч байгаа ч өнөөдрийн байдлаар 130 тэрбум төгрөгөөр тасраад байгааг хотын дарга танилцуулав.  

Гэхдээ нийслэлийн удирдлагын зүгээс ирэх оны төсвийг эрүүл мэнд, боловсролын салбарт түлхүү хуваарилж, бүтээн байгуулалтын ажлыг таслалгүй үргэлжлүүлэхээр төлөвлөж байгаагаа хотын дарга  дуулгалаа.