Энэ долоо хоногийн сүүлийн өдрийн арилжаагаар Монголын Хөрөнгийн Бирж дээр 24 компанийн 35,224 ширхэг хувьцаа 61.21 сая төгрөгөөр арилжигдсан нь өмнөх өдрөөс бага зэрэг буурсан дүн байлаа. 

Үнэт цаасны ангилалаар нь авч үзвэл I ангилалд 6 компанийн 13,111 ширхэг хувьцаа 11.46 сая төгрөгөөр, II ангилалд хамгийн олон буюу 15 компанийн 20,183 ширхэг хувьцаа нийт 9.26 сая төгрөгөөр зарагдсан бол III ангилалд 3 компанийн 1,930 ширхэг хувьцаа 40.49 сая төгрөгөөр арилжигдлаа. 

Арилжигдсан тоо ширхэгээр АПУ /MSE:APU/ компани, үнийн дүнгээр Дархан хөвөн /MSE:DAH/  компанийн арилжаа тэргүүлсэн бөгөөд тус компанийн 1,540 ширхэг хувьцаа нийт 40.04 сая төгрөгөөр зарагдсан юм. 

Ханшийн өөрчлөлтийн хувьд өсөлт давамгайлсан өдөр байсан ба 11 компанийн хувьцааны ханш өсч, 5 хувьцааны ханш уналттай байв. 

Салбарын үзүүлэлтээр Хүнсний салбарын тоо ширхэгээр, Барилгын салбарын хувьцаа үнийн дүнгээрээ хамгийн идэвхитэй нь байлаа.

Дэлгэрэнгүйг доорхи графикаас харна уу: