Эх сурвалж : marketinfo.mn Нийтлэгдсэн : 2016.09.22

Санхүүгийн Зохицуулах Хорооны 2016.09.21-ний өдөр болсон хуралдаанаас Багануур /MSE:BAN/ компанийн нэмж хувьцаа гаргах ажиллагааг “АМЖИЛТГҮЙ” гэж дүгнэсэн байна.

Санхүүгийн Зохицуулах Хорооны 2016.09.21-ний өдөр болсон хуралдаанаас Багануур /MSE:BAN/ компанийн нэмж хувьцаа гаргах ажиллагааг “АМЖИЛТГҮЙ” гэж дүгнэсэн байна. 

Учир нь компани зах зээл дээр 9,870,287 ширхэг хувьцаа гарган хөрөнгө оруулагчдаас 26.1 тэрбум төгрөг босгохоор төлөвлөсөн боловч хангалттай хэмжээнд хүрээгүй, мөн үнэт цаасны андеррайтер Ти Ди Би капитал ҮЦК нь Багануур /MSE:BAN/-тай байгуулсан “Андеррайтерийн болон зөвлөх үйлчилгээний гэрээ’-гээр бүхий л хүчин чадлаа дайчлан ажиллах болон “нийтэд санал болгосон үнэт цаас нь бүрэн зарагдаагүй нөхцөлд тухайн үнэт цаасыг гэрээгээр тохиролцсон үнээр худалдан авах” баталгаа өгч, үүрэг хүлээсэн боловч энэ үүргээ хэрэгжүүлээгүй гэж үзжээ.

Иймд СЗХ үнэт цаас гаргагч “Багануур” ХК болон “Ти Ди Би капитал ҮЦК” ХХК-д хууль тогтоомжоор хүлээсэн үүргээ биелүүлж ажиллахыг хатуу анхааруулахаар болсон аж.