Ахмад уурхайчдад хүндэтгэл үзүүлэв
| Эх сурвалж : www.shivee-ovoo.mn
Нийтлэгдсэн : 2014.11.04 |
|
Шивээ-Овоогийн нүүрсний уурхайн хөгжил дэвшил, хойч үеийнхээ ирээдүйн сайн сайхны төлөө цуцалтгүй хөдөлмөрлөж, уйгагүй зүтгэж ирсэн үе үеийн ахмад буурлууддаа Ахмадын баярыг тохиолдуулан Дорноговь аймгийн Халзан рашаан сувилалд хүлээн авлаа.
Уулзатын үеэр ахмад уурхайчдад уурхайн өнөөгийн байдал, үйлдвэрлэлийн үйл ажиллагааны талаар танилцуулсан бөгөөд тэдний санаа бодлыг сонслоо.
Ахмад уурхайчин буянтай буурлууд маань Шивээ-Овоогийн нүүрсний уурхайн удирдлага, хамт олонд та бүхэн компанийн хөгжил дэвшилд хувь нэмрээ оруулан залуучуудыг халамжлан хүмүүжүүлэх, ажлын дадлага, туршлагаа өвлүүлэх талаар тодорхой дэмжлэг үзүүлнэ гэдэгт найдаж байна.
Уурхайчид, ахмадуудын амьдрах тав тухтай орчинг бүрдүүлэх зорилгоор “Уурхайчдын ногоон төгөл”-ийг ашиглалтанд оруулж, түүний хадгалалт, хамгаалалт, ашиглалтыг Ахмад уурхайчдад хариуцуулж хамтран ажиллаж байдаг билээ. Мөн үүгээр ч зогссонгүй Ахмад уурхайчдын оёж урласан Хөдөлмөрийн аюулгүй байдал, эрүүл ахуйн бие хамгаалах хэрэгсэл болох ажлын бээлийг тогтсон хугацаанд худалдан авч ахмадуудынхаа өрхийн үйлдвэрлэлд дэмжлэг үзүүлж байна.
