Эх сурвалж : marketinfo.mn Нийтлэгдсэн : 2016.09.20

Өчигдөр буюу долоо хоногийн эхний өдөр Монгол Хөрөнгийн Бирж дээр нийт 15 компанийн 59,361 ширхэг хувьцаа 15.53 сая төгрөгөөр арилжигдсан бөгөөд өмнөх долоо хоногийн энэ өдөртэй харьцуулбал арилжааны хэмжээ буурсан дүнтэй байна.

Өчигдөр буюу долоо хоногийн эхний өдөр Монгол Хөрөнгийн Бирж дээр нийт 15 компанийн 59,361 ширхэг хувьцаа 15.53 сая төгрөгөөр арилжигдсан бөгөөд өмнөх долоо хоногийн энэ өдөртэй харьцуулбал арилжааны хэмжээ буурсан дүнтэй байна. 

Ангилалаар нь харвал I ангилалд 3 компанийн 41,310 ширхэг хувьцаа 13.81 сая төгрөгийн, II ангилалд 11 компанийн 17,847 ширхэг хувьцаа 1.63 сая төгрөгөөр зарагдсан бол III ангилалд 1 компанийн 204 ширхэг хувьцаа 87,312 төгрөгөөр арилжигдлаа. 

Арилжааны идэвхээр АПУ /MSE:APU/ компани тэргүүлсэн ба ингэснээр сүүлийн 3 өдөр хамгийн идэвхитэй нь байлааа. Тус компанийн 30,969 ширхэг хувьцаа 11.93 сая төгрөгийн гүйлгээ хийгдсэн байна.

Ханшийн өөрчлөлтийн хувьд 7 компанийн хувьцааны ханш өсч, 7 хувьцааны ханш уналттай байлаа. Ханшийн өсөлтөөр Хөх ган /MSE:HGN/-ийн ханш 5.56%-иар тэргүүлсэн бол Улсын их дэлгүүр /MSE:UID/-ийн хувьцааны ханш 6.42%-ийн уналтыг үзүүллээ.

Салбарын үзүүлэлтээр Хүнсний салбарын хувьцаа хамгийн идэвхитэй нь байлаа.

Дэлгэрэнгүйг доорхи графикаас харна уу: