Эх сурвалж : marketinfo.mn Нийтлэгдсэн : 2016.09.12

Шинэ долоо хоногийн эхний өдрийн арилжаагаар МХБ дээр 108,090 ширхэг үнэт цаас 177.32 сая төгрөгөөр арилжигдлээ. 

Үнэт цаасны төрлөөр нь харвал 13 компанийн 107,082 ширхэг хувьцаа 76.99 сая төгрөгөөр арилжигдсан бол Засгийн газрын 1,008 ширхэг бонд 100.33 сая төгрөгөөр арилжигдсан байна. 

Хувьцааны ангилалын хувьд I ангилалд 3 компанийн 2,212 ширхэг хувьцаа 1.22 сая төгрөгөөр, II ангилалд 9 компанийн 104,860 ширхэг хувьцаа 75.75 сая төгрөгөөр зарагдсан бол III ангилалд 1 компанийн 10 ширхэг хувьцаа 17,000 төгрөгөөр арилжигдав. 

Энэ өдөр Тавантолгой /MSE:TTL/ компанийн хувьцаа зах зээл дээр хамгийн идэвхитэй байсан ба 60,787 ширхэг хувьцаа 1,200- 1,330 төгрөгийн ханшийн хооронд нийт 73.04 сая төгрөгөөр зарагдав. Харин 1,200 төгрөг дээр тус компанийн хувьцаа хамгийн их буюу 59,534 төгрөгөөр арилжаалагджээ.

Ханшийн өөрчлөлтийн хувьд 4 компанийн хувьцааны ханш өсч, 6 хувьцааны ханш уналт үзүүлсэн бөгөөд хамгийн өндөр өсөлтийг Техник импорт /MSE:TEX/-ийн ханш 15.0%-иар, харин уналтыг Авто имдекс /MSE:AOI/ -ийн ханш 15.0%-иар үзүүллээ.

Арилжааны үзүүлэлтийг салбараар нь харвал тоо ширхэг болон үнийн дүнгээр Уул уурхайн салбарын хувьцаа идэвхитэй нь байлаа.