Энэ өдөр I ангилалд 4 компанийн 54,464 ширхэг хувьцаа 8.94 сая төгрөгөөр  арилжигдсан бол II ангилалд 12 компанийн 2,604 ширхэг хувьцаа 2.07 сая төгрөгөөр, III ангилалд 2 компанийн 75 ширхэг хувьцаа 113,970 төгрөгөөр арилжигдлаа.

Харин багцын арилжаагаар Газар сүлжмэл /MSE:SUL/ компанийн нийт хувьцааны 67.7% буюу 44,251 ширхэг хувьцаа 2.5 тэрбум төгрөгөөр зарагдсан нь өнөөдрийн онцлох арилжаа байлаа. 

Өнгөрөгч 4-р сард компанийн голлох хувьцаа эзэмшигч иргэн Ж.Энхбаяр өөрийн хувьцаагаа /66.42%/ МХБ дээр AON нөхцөлтэй дуудлага арилжаагаар хөрөнгө оруулагчдад санал болгож байсан бөгөөд тухайн үед худалдан авах захиалга ирээгүй юм.

Харин өнөөдөр энэхүү арилжаа явагдаж, зах зээл дээр ойрд явагдаагүй томоохон хэлцэл хийгдлээ. 

Хувьцааны ханшийн хөдөлгөөнийг харвал 7 хувьцааны ханш өсч, 11 компанийн ханш уналттай байв.

Арилжааны үзүүлэлтийг салбараар нь харвал тоо ширхэг болон үнийн дүнгээр Хүнсний салбарын хувьцаа тэргүүллээ.  

Дэлгэрэнгүйг доорхи графикаас харна уу: