Эх сурвалж : Bloomberg TV Нийтлэгдсэн : 2016.07.18

Уул уурхайн компаниудын хувьцаа сүүлийн найман долоо хоногийн турш өслөө. Энэ нь 2008 оноос хойш харагдаагүй

Уул уурхайн компаниудын хувьцаа сүүлийн найман долоо хоногийн турш өслөө. Энэ нь 2008 оноос хойш харагдаагүй урт хугацааны өсөлтөд тооцогдож байна. БНХАУ-ын эдийн засгийн үзүүлэлтүүд сайн байгаагаас гадна бусад орнууд эдийн засгаа дэмжих арга хэмжээ авахаар зэхэж байгаа нь түүхий эдийн ханшид дэмжлэг болжээ.

Улмаар олборлогч компаниудын хувьцаануудын эрэлт нэмэгдсэн байна. Ялангуяа түүхий эд дундаас өсөлтөөрөө тэргүүлж байгаа цайрын хүдэр олборлож боловсруулдаг “Glencore”, “Anglo American”-ийн хувьцаануудын ханш огцом нэмэгджээ.

Тухайлбал цайрын ханш нэгдүгээр сарын доод цэгээсээ 50 хувиар өссөн байна. Баасан гарагт фьючерс ханш нь Лондонгийн Хөрөнгийн биржид 2212 ам.долларт хүрчээ. Монголоос “Цайрт Минерал” компани цайрын баяжмал экспортолдог ч уурхайн агууламж өдөр ирэх бүр буурсаар байгаа юм.

Д.Хаш-Эрдэнэ