Эх сурвалж : Bloomberg TV Нийтлэгдсэн : 2016.07.01

Торонтогийн Хөрөнгийн биржид бүртгэлтэй “SouthGobi Resources” компанийн ТУЗ-ийн гишүүн Пьер Бруно Лебел ажлаа хүлээлгэн өгөхөөр болсон байна. 2003 оноос хойш тус компанийн ТУЗ-д ажиллаж байсан тэрбээр сүүлд “SouthGobi Resources” компанийн ТУЗ-ийн хараат бус-гүйцэтгэх бус гишүүнээр сонгогдон ажиллаж байжээ.

Түүнийг ажлаа хүлээлгэн өгсөнтэй холбоотойгоор тус компани орны хүнийг нь хайж байгаа гэж мэдэгдлээ. Тиймээс пүрэв гарагт товлогдоод байсан хувьцаа эзэмшигчдийн хурлаа ирэх есдүгээр сар хүртэл хойшлуулсан байна.

“SouthGobi Resources” компани одоогоор санхүүгийн нөхцөлд үйл ажиллагаа явуулж байгаа аж. Өнгөрсөн тавдугаар сард БНХАУ-ын Хөрөнгө Оруулалтын корпорацийн өрийн бичгийн хүүгийн төлбөрийг барагдуулж чадаагүй юм. Одоогоор тус корпорацитай зээлийн төлбөрийн нөхцөлийг шинэчлэхээр ажиллаж байгаа гэж мэдэгдээд байна.

Д.Хаш-Эрдэнэ