Эх сурвалж : www.apu.mn Нийтлэгдсэн : 2014.11.04

Олон улсын хүүхдийн эрхийг хамгаалах өдрийг тохиолдуулан АПУ ХК хүүхэд багачууддаа зориулан зохион байгуулсан “Мянган хүүхдийн баяр” АСА циркэд боллоо

Олон улсын хүүхдийн эрхийг хамгаалах өдрийг тохиолдуулан АПУ ХК хүүхэд багачууддаа зориулан зохион байгуулсан “Мянган хүүхдийн баяр” АСА циркэд боллоо.

Хүүхдийн эрхийг хамгаалах, хүүхэд насыг хайрлан хүндэтгэх энэ өдрийг хүүхэд багачууд маань Одойчуудын цирк үзэж, Маамуу брэндийн дүр Сэргэлэн, Цовоо нартай зургаа авахуулан, сонирхолтой тоглоомуудаар наадаж өнгөрүүллээ.

АПУ ХК-ийн 90 жилийн ойн баярын хүрээнд хийгдэж буй ажлуудын нэг болох уг арга хэмжээг нээж үг хэлэхдээ АПУ ХК-ийн гүйцэтгэх захирал Ц.Эрдэнэбилэг “Хүүхэд нас бол хүний амьдралын хамгийн аз жаргалтай, ариун гэгээн үе. Хүүхэд бол бидний ирээдүй. Аз жаргалтай хүүхэд аз жаргалтай ирээдүйг бүтээнэ” гэж дурдсан ба мөн тэрээр “Өдгөө та бүхний эцэг эх Маамуу, Сайн, Фрутта, Оргилуун гээд олон сайхан бүтээгдэхүүн үйлдвэрлэж, компанийнхаа төлөө хүч хөдөлмөрөө зарцуулан ажиллаж буйд бид талархаж явдаг. Ирээдүйд та бүхэн ч улс орны шилдэг инженер, технологич, эдийн засагч болоод АПУ компанийнхаа ажилтан болоорой” гэж хүүхэд багачуудыгаа урилаа.

4 жилийн өмнөөс “Мянган хүүхдийн баяр” нэртэйгээр зохиогдож ирсэн уг баярт анх 1000 хүүхэд хамрагддаг байсан бол энэ жил 1700 болон өргөжсөн АПУ гэр бүлийн бяцхан гишүүд эцэг эхийнхээ хамт гэр бүлийн халуун дулаан цаг мөчүүдийг өнгөрүүлсэн эл үйл явдал нь АПУ компани нийгмийн хариуцлагынхаа хүрээнд хийж буй ажлуудын нэг юм.