Эх сурвалж : www.facebook.com/gobicashmere/ Нийтлэгдсэн : 2014.11.04

Италийн нэхмэлийн тоног төхөөрөмж үйлдвэрлэгчдийн холбоо Монголын ноос ноолуурын холбоотой хамтран 7-р сарын 9-ний өдөр уулзалт зохион байгуулж хамгийн сүүлийн үеийн техник, технологийг манай ноос ноолуурын салбарынханд танилцуулсан юм.

Италийн нэхмэлийн тоног төхөөрөмж үйлдвэрлэгчдийн холбоо Монголын ноос ноолуурын холбоотой хамтран 7-р сарын 9-ний өдөр уулзалт зохион байгуулж хамгийн сүүлийн үеийн техник, технологийг манай ноос ноолуурын салбарынханд танилцуулсан юм. Энэ дагуу ерөнхийлөгч Р.Гарабелли тэргүүтэй холбооны төлөөлөгчид манай компанид зочлон үйлдвэртэй танилцлаа. Ноён Р.Гарабелли “Итали улсын хувьд өөрсдөө түүхий эдгүй ч гаднаас түүхий эдээ татаж өөрсдийн техник технологийн тусламжтайгаар чанартай бүтээгдэхүүн үйлдвэрлэдэг. Монгол ноолуур нь ширхэгтийн хувьд хамгийн чанартай гэдэг нь дэлхийд хүлээн зөвшөөрөгдсөн. Мөн түүхий эдээ бэлтгэл, ажиллах хүчин, техник технологийн хувьд бүрэн боломжтой учраас энэ төрлийн үйлдвэрлэлээрээ дэлхийд тэргүүлэх цаг ойрхон байна. Үүнийг “Говь” ХК жишээнээс харж болох юм. Бид цаашдаа Монголын ноос ноолуурын салбарын үйлдвэрлэгчидтэй хамтран ажиллахад бэлэн байна” хэмээн онцлон тэмдэглэсэн юм.