Эх сурвалж : www.medee.mn Нийтлэгдсэн : 2016.02.26

БНСУ-ын “Аско” компаниас санаачилсан “Инфосек МН-2016” мэдээллийн аюулгүй байдлын олон улсын чуулганыг ирэх сарын хоёрны өдөр Улаанбаатар хотноо зохион байгуулах гэж байна. Уг чуулганд, гадаадын болон дотоодын мэдээллийн аюулгүй байдлын мэргэжилтнүүд оролцож, цахим халдлагаас хамгаалах, цаашдын бодлогоо тодорхойлох, хамтын харилцааг өргөжүүлэх талаар хэлэлцэнэ.

Мөн сүүлийн үеийн шинэ техник технологийг танилцуулах ба Монгол Улсын Засгийн газрын агентлагууд, яамд болон банк санхүү, уул уурхай зэрэг салбарын мэдээллийн аюулгүй байдлыг хариуцан ажилладаг удирдах ажилтнууд, төрийн албан хаагчид оролцоно. Монгол улсын кибер аюулгүй байдлын индекс 0.412 буюу дэлхийн улс орнуудтай харьцуулахад дундаж үзүүлэлтэй байдаг. Тиймээс кибер орчин дэх эрсдлийг үндэсний хэмжээнд бууруулах, хэрэглээний зохистой соёлыг дэлгэрүүлэх хэрэгцээ шаардлага үүсээд байгаа аж.

Б.ЦОГ