Эх сурвалж : www.facebook.com/gobicashmere/ Нийтлэгдсэн : 2014.11.04

“Японы улс төрийн ертөнцийн загалмайлсан эх” гэгддэг одоогийн Ерөнхий сайд Шинзо Абэгийн ээж Ёоко Абэ энэ сарын 18-наас эхлэн манай улсад айлчилж байна.

“Японы улс төрийн ертөнцийн загалмайлсан эх” гэгддэг одоогийн Ерөнхий сайд Шинзо Абэгийн ээж Ёоко Абэ энэ сарын 18-наас эхлэн манай улсад айлчилж байна. Тэрээр айлчлалынхаа хүрээнд “Говь” ХК-д зочиллоо. Өдгөө 86 настай Ёоко Абэ нь 1957-1960 онд Ерөнхий сайдын албыг хашиж байсан Нобосүкэ Кишигийн охин юм. Тэрээр Японы Ардчилсан намыг байгуулсан бөгөөд 1950 онд Ёшидагийн Либерал намтай нэгдэж өнөөдрийн Шинзо Абэгийн удирддаг Либерал Ардчилсан намын эхлэлийг тавьсан байна. 
Ёоко Абэ “Ноолуурын салбарын томоохон компанид зочилсондоо баяртай байна” гээд халуун дотноор хүлээж авсанд талархаж байгаа илэрхийлсэн. Манай компани зүгээс түүнд хүндэтгэл үзүүлэн ноолууран бүтээгдэхүүний загварын шоугаа толилуулж, нэрт зураач Б.Шаравын “Монголын нэг өдөр” зургийг 100% ноолууран хамгийн нарийн утсаар, гараар нэхсэн шаалин дээр хэвлэсэн жинхэнэ Монгол бэлгийг дурсгасан. 
Дашрамд дуулгахад Монгол Япон хоёр улс эдийн засгийн түншлэлийн хэлэлцээрийнхээ үндсэн зарчимд эдийн засгийг олон талаар хөгжүүлэх, экспортыг дэмжих зорилтыг тусгасан бөгөөд энэхүү хэлэлцээр батлагдсанаар “Говь” ХК болон хөдөө аж ахуйн бусад үйлдвэрлэл цаашлаад Үндэсний томоохон үйлдвэрүүдэд Япон хэмээх дэлхийд худалдан авах чадраараа тэргүүлэгч улсын зах зээлд гарах таатай нөхцөл бүрдэнэ. Экспортын бүтээгдэхүүний тодорхой хувийг эзлэж буй ноолууран бүтээгдэхүүн үйлдвэрлэгчдийн хувьд Хятадаас ноолууран бүтээгдэхүүнээ импортлодог энэ том зах зээлд Хятадын үйлдвэрлэгчиддээ өрсөлдөх боломжтой болох юм.