Эх сурвалж : Bloomberg TV Нийтлэгдсэн : 2016.02.15

Өнгөрсөн онд тус станцын өргөтгөлийн ажил хийгдэж, өөрийн хүчин чадлаа 25 хувиар, улсын эрчим хүчний нийт чадлыг 13.5 хувиар өсгөжээ.

Японы “Mitsubishi Hitachi Power Systems” болон “MCS International”-ийн түншлэл IV Дулааны цахилгаан станцын шинэчлэлийн ажлыг хийж гүйцэтгэхээр болсон байна.

Гэрээг өнгөрсөн оны эцсээр байгуулжээ. 2018 оны 10 дугаар сар хүртэл хэрэгжих төслийг Японы 4.2 тэрбум иенийн хөнгөлөлттэй зээлээр хэрэгжүүлэх болсон талаар төслийн нэгжээс мэдээллээ. Шинэчлэлийн ажил хийгдсэнээр цахилгаан станцын үр ашиг нэмэгдэж, байгаль орчинд илүү ээлтэй болох юм байна.

Өнгөрсөн онд тус станцын өргөтгөлийн ажил хийгдэж, өөрийн хүчин чадлаа 25 хувиар, улсын эрчим хүчний нийт чадлыг 13.5 хувиар өсгөжээ. Ингэснээр нийт улсын эрчим хүчний суурилагдсан хүчин чадлын 70 гаруй хувийг дангаараа бүрдүүлэх болсон юм. Энэхүү төслийг Хөгжлийн банкны 70 сая ам.долларын хөрөнгө оруулалтаар хийж гүйцэтгэсэн байдаг.

Д.Хаш-Эрдэнэ