Эх сурвалж : www.baganuurmine.mn Нийтлэгдсэн : 2014.11.04

“Багануур” ХК нийгмийн хариуцлагаа хэрэгжүүлж дүүргийн жижиг дунд үйлдвэрлэлийг дэмжих төвтэй хамтран ажиллаж 40 оёдолчинг түр ажлын байраар хангаад байна.

“Багануур” ХК нийгмийн хариуцлагаа хэрэгжүүлж дүүргийн жижиг дунд үйлдвэрлэлийг дэмжих төвтэй хамтран ажиллаж 40 оёдолчинг түр ажлын байраар хангаад байна. 2014.05.20-ны өдрөөс эхлэн “Их үйл” оёдолчдын холбоотой хамтран ажиллах гэрээ байгуулан 1538 хос зуны ажлын хувцас оюулсан бол 520 хос өвлийн хувцас оюулж байна.

Өнөөдөр компанийн хөгжил нийгмийн асуудал эрхэлсэн дэд захирал Ж.Пүрэвдорж  энэхүү гэрээт ажлын явцтай танилцаж хувцасны оёдлын чанар, материалыг үзэж, оёдолчидтой уулзлаа. Гэрээт ажлын хүрээнд 40 оёдолчин 2 ээлжээр ажиллаж өвлийн хувцсыг хугацаанд нь  хүлээлгэн өгөхөд бэлэн болоод байна. Жижиг дунд үйлдвэрлэлийг дэмжих төвийн оёдолчид ажлын байраар хангаж уурхайчдынхаа ажлын хувцсыг оюулах боломж олгон гэрээ байгуулсан компанийн захиргаанд талархаж, цаашид дахин хамтран ажиллах хүсэлтэй байгаагаа илэрхийлж байлаа.