Эх сурвалж : http://www.mse.mn Нийтлэгдсэн : 2015.05.14

МХБ–ийн гишүүн үнэт цаасны компаниудын холбогдох хаяг, удирдлагын мэдээлэл, холбоо барих утас болон хаягийн мэдээллийг нэмж оруулсан бөгөөд мөн хувьцаат компаниудын үнэт цаасны ханшийн өөрчлөлтийг түүхэн графикаар харах боломжтой

Монголын хөрөнгийн бирж нь өдөр тутмын арилжааны болон ханшийн мэдээллийг түгээх гар утас болон хөдөлгөөнт төхөөрөмжид зориулагдсан мобайл аппликейшны анхны хувилбарыг 2014 оны 10 дугаарын сарын 24 –ний өдөр хэрэглээнд нэвтрүүлсэн билээ. Хэрэглэгчдээс ирсэн хүсэлтийн дагуу тус програм хангамжийн 2 дахь хувилбарыг хөгжүүлэн “APP STORE”-д байршуулжээ.Уг шинэчилсэн хувилбар нь МХБ–ийн гишүүн үнэт цаасны компаниудын холбогдох хаяг, удирдлагын мэдээлэл, холбоо барих утас болон хаягийн мэдээллийг нэмж оруулсан бөгөөд мөн хувьцаат компаниудын үнэт цаасны ханшийн  өөрчлөлтийг түүхэн графикаар харах боломжийг өгч байна. Шинэчилсэн хувилбар дахь график нь аль нэг брокер, дилерийн компанийн хувьцааны симбол дээр дарсанаар харагдах ба  энэ нь хөдөлгөөнт төхөөрөмжийн хэвтээ байрлалд бүтэн дэлгэцийн горимд ажиллах чадвартай. Түүнчлэн энэхүү график нь 10 өдрөөс 5 жил хүртэл, цаашлаад бүх түүхэн мэдээллээр харагдах ба тухайн өдрийн үзүүлэлтийг муруйн дагуу даран гүйлгэх замаар хялбархан харах боломжтой аж.