Эх сурвалж : http://www.frc.mn/ Нийтлэгдсэн : 2015.04.20

УИХ-ын Эдийн засгийн байнгын хорооны өнөөдрийн хуралдаанаар Санхүүгийн Зохицуулах Хорооны 2014 оны үйл ажиллагааны тайланг хэлэлцлээ.

Хуралдаанд Санхүүгийн Зохицуулах Хорооны дарга З.Нарантуяа өнгөрсөн оны онцлох ажлууд, үнэт цаас, даатгал, бичил санхүүгийн зах зээлийн гол үзүүлэлтүүд, тэдгээрийн өөрчлөлт хандлага, өнөөдрийн нөхцөл байдлын талаар танилцуулав. Мөн тэрээр 2015 онд хэрэгжүүлэхээр төлөвлөж буй гол ажлуудынхаа талаар мэдээлэл өглөө. Үүний дараа УИХ-ын гишүүд хөрөнгийн биржийн үйл ажиллагааг идэвхижүүлэх, Стратегийн ач холбогдолтой ордуудын  лиценз эзэмшигч компанийн хувьцааны тодорхой хувийг Монголын хөрөнгийн биржээр арилжаалах, даатгалын хяналт шалгалт, бичил санхүүгийн үйлчилгээний хүртээмж, ломбардуудын үйл ажиллагаанд зохицуулалт хийх гэх мэт олон асуудлаар асуулт асууж, санал хэлэв.

Байнгын хорооны хуралдаанаас санхүүгийн салбарын хөгжлийг эрчимжүүлэх асуудлаар Санхүүгийн зохицуулах хороо болон бусад холбогдох байгууллагуудад үүрэг чиглэл өгсөн тогтоол гаргахаар шийдвэрлэв.

САНХҮҮГИЙН ЗОХИЦУУЛАХ ХОРОО 

ҮЙЛ АЖИЛЛАГААНЫ ГАЗАР