ШОХК техникийн шинэчлэл хийлээ
| Эх сурвалж : www.shivee-ovoo.mn
Нийтлэгдсэн : 2014.11.25 |
|
“Шивээ-овоо” ХК нь Эрчим хүчний өсөн нэмэгдэж байгаа хэрэгцээг хангахад тулгарч буй хүндрэлийг давах зорилгоор богино хугацаанд үр ашгаа өгөх боломжтой хөрөнгүүдийг худалдан авах саналаа "ТУЗ" болон "ТӨХ"-нд тавьжээ.
ШОХК саналаа Төлөөлөн удирдах зөвлөл болон Төрийн өмчийн хороонд танилцуулж, шийдвэр гаргуулж шинэ ахлагч экскаватор худалдан авчээ.
Энэ нь 1994 онд НКМЗ/Новокраматорский үйлдвэрлэгдсэн ЭШ-11.70 алхагч экскаваторын дуудлага худалдаанд оролцож ялагчаар шалгарсанаар худалдан авсан байна. Уг экскаватор нь жилд 2.8 сая.м3 хөрсний ажлыг гүйцэтгэдэг бөгөөд ЭШ-25.90 алхагч экскаватортай хослон ажиллуулсанаар хөрсний хоцрогдол, отвалын гулсалтыг багасгах боломжтой төдийгүй тээвэртэй хөрс хуулалтын зарим хэсгийг тээвэргүй гүйцэтгэснээр жилд 1.8 тэрбум төгрөг хэмнэх урьдчилсан тооцоог гаргажээ. Мөн тээвэргүй ашиглалтын системд ЭШ-11.70 алхагч экскаваторыг ашиглаж эхэлсэнээр одоогийн тээвэртэйгээр ашиглалт явуулсанаас 15-20% зардал хэмнэж, нээгдэх нүүрсний хэмжээ 60% нэмэгдэж уурхайн олборлох хүчин чадал өсөн нэмэгдэнэ гэсэн урьдчилсан судалгаа гаргасан байна.
