Эх сурвалж : www.bdsec.mn Нийтлэгдсэн : 2014.09.26

“Би Ди Сек” ХК-иас жил бүр уламжлал болгон зохион байгуулдаг “BDS Cup” хөлбөмбөгийн тэмцээн үнэт цаасны зах зээлд оролцогч байгууллагуудын дунд амжилттай зохион байгуулагдлаа.

Энэхүү тэмцээнд Санхүүгийн зохицуулах хороо, “Монголын хөрөнгийн бирж” ХК, “ҮЦТТТХТ” ХХК, “Би Ди Сек” ХК, “Стандарт инвестмент” ХХК болон брокер дилерийн компаниудын хамтарсан багууд оролцсоноос Санхүүгийн зохицуулах хорооны тамирчид хурд, хүч, авъяас чадвараараа онцгойрч, уран сайхан тоглолт гаргаснаар хоёрдугааар байр эзэлж, мөнгөн медалийн эзэд боллоо.

Хорооны хамт олон өмнөх жилүүдэд энэхүү тэмцээнээс алт, мөнгө, хүрэл медаль хүртэж байсан амжилтын түүх арвинтай билээ.

Тэмцээнд оролцсон нийт баг, тамирчиддаа Санхүүгийн зохицуулах хорооны хамт олны зүгээс спортын өндөр амжилт хүсье.