Эх сурвалж : www.mminfo.mn Нийтлэгдсэн : 2012.04.20

Монголын үндэсний компанийн засаглалын бодлого сэдэвт дугуй ширээний уулзалт амжилттай болж өндөрлөлөө.

Монголын бүх хувьцаа эзэмшигчдийг эрх тэгш, шударга, хариуцлагатай, нээлттэй ил тод байлгах зорилгоор Санхүүгийн зохицуулах хороо, Үндэсний хөгжил, шинэтгэлийн хороо, АНУ-ын Хөгжлийн агентлаг хамтран “Монголын үндэсний компанийн засаглалын бодлого” сэдэвт дугуй ширээний уулзалт зохион байгууллаа. 
Уулзалт Бодлого боловсруулагчид, компанийн засаглалын үндэсний хөтөлбөрийг хэрэгжүүлэгч байгууллагуудын хүрээнд Компанийн засаглалын Монголын үндэсний бодлого, түүнийг амжилттай хэрэгжүүлэх арга зам, аргачлалыг нээлттэй хэлэлцүүлэхэд чиглэж байлаа. Монголын бүх хувьцаа эзэмшигчдийн эрх тэгш, шударга байдал, тайлагнах, хариуцлагатай байх, нээлттэй ил тод байх зарчим амжилттай хэрэгжих явдал өнөөдөр чухал болоод байгаа. Тиймээс Монголын Үндэсний компанийн засаглалын бодлогыг үр дүнтэй хэрэгжүүлснээр байгууллага, пүүс компаниудад хөрөнгө босгох бизнесийн таатай орчин бүрдэхийг хуралд оролцогчид ярьжээ.