Эх сурвалж : Bloomberg TV Нийтлэгдсэн : 2014.10.24

Арилжааны банкнуудын гол үзүүлэлтүүд гуравдугаар улирлын эцсийн байдлаар өмнөх сарынхаас өсөлттэй байлаа. Актив хөрөнгийн хувьд гуравдугаар улирлын эцсийн байдлаар 20.9 их наяд төгрөг болж өмнөх сараас 0.9 хувиар, жилийн өмнөх үеэс 15.3 хувиар өсчээ.

Тайлант хугацаанд Монгол Улсад алрилжааны 13 банк үйл ажиллагаа явуулж байснаас гурав нь банкны актив хөрөнгө системийн 65 орчим хувийг бүрдүүлж байгаа юм.

Харин актив хөрөнгийн 60 орчим хувийг аж ахуйн нэгж байгууллагуудад олгосон зээлийн өрийн үлдэгдэл, 10.5 хувийг банкны нөөц бүрдүүлж байна.

Эдгээр үзүүлэлтүүд өмнөх сарынхаас өсөлттэй байгааг Монгол банк мэдээллээ.

Мөн тайлант хугацаанд банкууд хоёр их наяд төгрөгийн Засгийн газрын үнэт цаас худалдан авсан үлдэгдэлтэй байгаа  нь өмнөх улирлаас буурсан дүн болжээ.