Эх сурвалж : www.gogo.mn Нийтлэгдсэн : 2019.10.02

Сангийн сайд Ч.Хүрэлбаатар 2019 оны есдүгээр сарын 26-нд 2020 оны улсын төсвийн төслийг танилцуулсан. Танилцуулгад 2020 оны агаарын бохирдлыг бууруулах арга хэмжээнд 137.6 тэрбум төгрөг зарцуулна хэмээн тусгасан юм.

Сангийн сайд Ч.Хүрэлбаатар 2019 оны есдүгээр сарын 26-нд 2020 оны улсын төсвийн төслийг танилцуулсан. Танилцуулгад 2020 оны агаарын бохирдлыг бууруулах арга хэмжээнд 137.6 тэрбум төгрөг зарцуулна хэмээн тусгасан юм.

Энэ нь өмнөх оны агаарын бохирдлыг бууруулахад чиглэсэн төсвөөс 41.4 тэрбум төгрөгөөр их байгаа бөгөөд тус нэмэгдэл нь сайжруулсан шахмал түлшний үйлдвэрлэл, тээвэрлэлтэд зарцуулна хэмээн Сангийн сайд онцлов.

Манай улс агаарын бохирдлыг бууруулах чиглэлээр 2008-2019 оныг хүртэлх 10 жилийн хугацаанд улсын төсвөөс 170 тэрбум төгрөг, гадаадын зээл, тусламжаар 279.3 тэрбум төгрөг (104,7 сая ам доллар) зарцуулсан. Энэ мөнгийг

• "Шинэ бүтээн байгуулалт” дунд хугацааны зорилтот хөтөлбөр,
• Хөгжлийн бодлого төлөвлөлтийн хууль,
• Агаарын тухай хууль,
• Агаарын бохирдлын төлбөрийн тухай хууль,
• Агаар орчны бохирдлыг бууруулах үндэсний хөтөлбөр,
• УИХ, Засгийн газрын тогтоол, журмууд, 
• Үндэсний аюулгүй байдлын зөвлөлийн зөвлөмж зэрэгт зориулан олон сан, ажлын хэсэг байгуулж төсөв, зээл тусламжаас санхүүжүүлсэн ч бодитой үр дүн гарсангүй гэж УИХ-ын Байгаль орчин, хүнс, хөдөө аж ахуйн байнгын хорооны 2019 оны нэгдүгээр сарын 30-ны өдрийн хурлын үеэр дурдаж байсан.

Зөвхөн 2019 онд гэхэд агаарын бохирдлыг бууруулах чиглэлээр 96.2 тэрбум төгрөгийг зарцуулсан. Хэрэв энэ байдлаараа үргэлжилбэл 2024 он гэхэд агаарын бохирдлоос үүдэн нас барсан хүмүүсийн тоо 5200-14000-д хүрнэ гэсэн албан бус тооцоо бий.

Өнөөдөр нийслэл хотын гэр хороололд 230 мянган өрх байгаагийн 30 мянга нь Налайх, Багануур, Багахангай зэрэг захын дүүргүүдэд бий. Тэгэхээр утааны идэвхтэй голомтод 200 мянган өрх байна гэсэн үг.