Эх сурвалж : www.gobi.mn Нийтлэгдсэн : 2019.04.18

ГОВЬ ХК-ИЙН ХУВЬЦАА ЭЗЭМШИГЧДИЙН ЭЭЛЖИТ ХУРАЛ БОЛЛОО /2019.04.18/

Говь ХК Хувьцаа эзэмшигчдийнхээ ээлжит хурлыг 2019 оны 4 сарын 18-ны өдрийн 10:00 цагт компанийн Төв дэлгүүрийн дэргэдэх “Мираж” ресторанд зохион байгууллаа. Хуралд нийт 691,528,080 саналын эрхтэй 285 хувьцаа эзэмшигч хүрэлцэн ирж, хурлын ирц 88.64% байв.

Хурлаар:

1. Говь ХК-ийн 2018 оны үйл ажиллагаа болон санхүү үр дүнгийн тайланг танилцуулах
2. Төлөөлөн Удирдах Зөвлөлөөс компанийн 2018 оны үйл ажиллагаа болон санхүүгийн тайлангийн талаар гаргасан дүгнэлтийг хэлэлцэн батлах
3. 2017 оны ногдол ашиг тараалтын тайлан, 2018 оны санхүүгийн үр дүнгээс ногдол ашиг тараах тухай Төлөөлөн Удирдах Зөвлөлийн тогтоолыг танилцуулах
4. Төлөөлөн Удирдах Зөвлөлийн 2018 оны ажлын тайланг танилцуулах зэрэг асуудлуудыг хэлэлцлээ.

Хувьцаа эзэмшигчид дээрх асуудлуудтай холбогдох тайлан илтгэлүүдийг сонсож, асуулт хариулт болон санал шүүмжлэлээ хэлэлцсэний эцэст саналын хуудсаар саналаа өгсөн бөгөөд Хувьцаа эзэмшигчдийн ээлжит хурлаас дараах шийдвэрийг гаргав.

1. ТУЗ-өөс “Говь ХК-ийн гүйцэтгэх удирдлагын баг 2018 онд төлөвлөгдсөн зорилтоо биелүүлэхийн тулд өөрсдийн нөөц бололцоогоо бүрэн дүүрэн ашиглан ажилласан” гэсэн дүгнэлт өгснийг 99.96%-ийн саналаар батлав.

Компани 2018 оны цэвэр ашгаас хувьцааны нэгж тутамд 6.8 төгрөгийн ногдол ашиг зарласан бөгөөд ногдол ашгийг 2019 оны 4 сарын 25-ны өдрөөс эхлэн дараах байдлаар тараахаар болсныг дахин зарлалаа. Үүнд:

• Говь ХК-ийн байран дээр касснаас бэлэн мөнгөөр тараах
• Компанийн цахим хуудасны /www.gobi.mn/ Хувьцаа эзэмшигчдэд зориулсан цэсний Ногдол ашиг цэснээс анкет татан авч ТУЗ-ийн нарийн бичгийн дарга руу имэйлээр хүсэлтээ ирүүлснээр хувьцаа эзэмшигчийн банкны харилцах дансанд нь шилжүүлэх
• 2019 оны эцэст үлдэгдэл тооцоог гарган ҮЦТХТөвөөр зуучлуулан тараах

Холбоо барих:

ТУЗ-ийн нарийн бигийн дарга 

Утас: 94118277

Имэйл: boardsecretary@gobi.mn