ГОВЬ ХК-ИЙН ХУВЬЦАА ЭЗЭМШИГЧДИЙН ЭЭЛЖИТ ХУРАЛ БОЛЛОО /2018.04.17/

Эх сурвалж : www.gobi.mn

Нийтлэгдсэн : 2018.04.18

ГОВЬ ХК-ИЙН ХУВЬЦАА ЭЗЭМШИГЧДИЙН ЭЭЛЖИТ ХУРАЛ БОЛЛОО /2018.04.17/

Говь ХК Хувьцаа эзэмшигчдийнхээ ээлжит хурлыг 2018 оны 4 сарын 17-ны өдрийн 14:00 цагт компанийн Төв дэлгүүрийн дэргэдэх “Мираж” гэр ресторанд зохион байгууллаа. Хуралд нийт 6,946,873 саналын эрхтэй 210 хувьцаа эзэмшигч хүрэлцэн ирж, хурлын ирц 89.05% байв.


Хурлаар:

  1. ТУЗ-өөс компанийн 2017 оны үйл ажиллагаа болон санхүүгийн тайлангийн талаар гаргасан дүгнэлтийг хэлэлцэн батлах
  2. Компанийн дүрэмд өөрчлөлт оруулах тухай хэлэлцэн батлах
  3. 2016 оны ногдол ашиг тараалтын тайлан, 2017 оны санхүүгийн үр дүнгээс ногдол ашиг тараах тухай ТУЗ-ийн шийдвэрийг танилцуулах
  4. ТУЗ-ийн гишүүнд нэр дэвшигчдийг батлах
  5. ТУЗ-ийн гишүүдийн цалин урамшууллын хэмжээг шинэчлэн тогтоох тухай хэлэлцэн батлах асуудлуудыг хэлэлцлээ.

 

Хувьцаа эзэмшигчид дээрх асуудлуудтай холбогдох тайлан илтгэлүүдийг сонсож, асуулт хариулт болон санал шүүмжлэлээ хэлэлцсэний эцэст саналын хуудсаар саналаа өгсөн бөгөөд Хувьцаа эзэмшигчдийн ээлжит хурлаас дараах шийдвэрүүдийг гаргав.

  1. ТУЗ-өөс “Говь ХК-ийн гүйцэтгэх удирдлагын баг 2017 онд төлөвлөгдсөн зорилтоо биелүүлэхийн тулд өөрсдийн нөөц бололцоогоо бүрэн дүүрэн ашиглан ажилласан” гэсэн дүгнэлт өгснийг 99.88%-ийн саналаар батлав.
  2. Компанийн дүрэмд өөрчлөлт оруулах тухай асуудлыг 99.85%-ийн саналаар батлав.
  3. ТУЗ-ийн гишүүдэд нэр дэвшигчдийг батлахад кумулятив аргаар санал хураалт явуулан, ТУЗ-ийн хараат бус гишүүнээр М.Баяр, Д.Гэрэлмаа, Б.Нандин-Эрдэнэ, Такэши Камбэ, З.Шагдарсүрэн нарыг, ТУЗ-ийн ердийн гишүүнээр Ц.Баатарсайхан, Ж.Оюунчимэг, Хидэо Савада, Д.Хулан нар сонгогдов.
  4. ТУЗ-ийн гишүүдийн цалин урамшууллын хэмжээг шинэчлэн тогтоох тухай асуудлыг 99.84%-ийн саналаар батлав.

 

Мөн компани 2016 оны ногдол ашиг тараалтын тайлангаа танилцуулснаас гадна 2017 оны цэвэр ашгаас  хувьцааны нэгж тутамд 220 төгрөгийн ногдол ашиг зарласан тухай мэдэгдэж, зарласан ногдол ашгийг 2018 оны 4 сарын 24-ний өдрөөс эхлэн компани дээрээ бэлэн мөнгөөр тараах эсвэл хувьцаа эзэмшигчдийн харилцах дансанд нь шилжүүлэх замаар чирэгдэл багатай арга хэлбэрээр саадгүй олгон, 2018 оны эцэст үлдэгдэл тооцоог гарган ҮЦТХТөвөөр зуучлуулан тараах болсныг дахин зарлалаа.

 

 

Компанийн засаглалын сургалтанд шинээр хамрагдсан хүмүүс
Сургалтанд хамрагдагсдын нэрс Тийм

Ц. Баасандорж -ийн

Н. Амартөвшин -ийн

Б. Мягмаржав -ийн

Д. Отгонтуяа -ийн

А. Энхбаяр -ийн

Ж. Ариунжаргал -ийн

Р. Гансүх -ийн

Ж. Баясгалан -ийн

Б. Батбямба -ийн

Б. Мөнхчулуун -ийн